Maxfiylik siyosati
Oxirgi yangilanish: 2026-10-23. Ushbu matn loyiha holatida — rasmiy ishga tushirishdan oldin yurist tomonidan tasdiqlanadi.
1. Kim ma’lumotni qayta ishlaydi
OFFCHAT.AI platformasi (keyingi o‘rinlarda «OFFCHAT») platformadan foydalanuvchi biznes egalari (mijozlar) va ularning mijozlari ma’lumotlarini xizmat ko‘rsatish uchun qayta ishlaydi.
2. Qanday ma’lumot yig‘iladi
Ro‘yxatdan o‘tishda: ism, biznes nomi, telefon, email, tarif va to‘lov holati (karta rekvizitlari OFFCHAT’da saqlanmaydi — to‘lov provayderida).
Ulangan kanallardan: mijozlaringiz yozgan xabarlar, izohlar, ular qoldirgan ism va telefon, buyurtma va to‘lov ma’lumotlari.
Siz yuklagan fayllar: video, rasm, musiqa, hujjatlar va bilim bazasi.
3. Nima uchun ishlatiladi
Xizmatni ko‘rsatish: AI javoblari, avtomatizatsiya, CRM, kontent, hisobotlar.
Hisob-kitob, xavfsizlik, firibgarlikka qarshi kurash va texnik qo‘llab-quvvatlash.
Ma’lumotlaringiz reklama maqsadida uchinchi shaxslarga sotilmaydi.
4. AI va tashqi servislar
AI javoblar uchun savolga kerakli qisqa parcha AI provayderiga (Anthropic Claude) yuboriladi. Ijtimoiy tarmoqlar Zernio orqali, SMS TextUp orqali, fayllar Cloudflare R2’da saqlanadi. Har bir provayder bilan ma’lumotni himoya qilish shartlari tuziladi.
Meta reklamasi (Target) ulangan biznesda: sayt sahifasi ochilishi, lid va to‘lov haqidagi hodisalar hamda mijozning telefon raqami, emaili va ismi Meta Conversions API’ga yuboriladi — telefon, email va ism yuborishdan oldin SHA-256 bilan shifrlanadi (ochiq holda ketmaydi). Shu ma’lumotdan reklama natijasini o‘lchash va biznesning o‘z reklama akkauntida auditoriya (xaridorlar, raqam qoldirganlar va ularga o‘xshashlar) tuzish uchun foydalaniladi. Biznes egasi buni Target sahifasida o‘chira oladi.
5. Saqlash joyi va muddati
O‘zbekiston fuqarolarining shaxsiy ma’lumotlari O‘zbekiston Respublikasi «Shaxsga doir ma’lumotlar to‘g‘risida»gi qonuni talablariga muvofiq qayta ishlanadi va saqlanadi.
Ma’lumotlar obuna davomida va undan keyin qonunda belgilangan muddatgacha saqlanadi; so‘rovingiz bo‘yicha o‘chiriladi.
6. Xavfsizlik
Har bir biznes ma’lumoti alohida (tenant) ajratilgan; API kalitlar shifrlangan; kirishlar va muhim amallar audit jurnaliga yoziladi; zaxira nusxa olinadi.
7. Sizning huquqlaringiz
Ma’lumotlaringizni ko‘rish, tuzatish, eksport qilish va o‘chirishni so‘rash; roziligingizni qaytarib olish. Murojaat: Telegram @offchat_support.
8. Cookie
Kabinetda kirish holatini va sozlamalarni saqlash uchun zarur cookie va mahalliy xotira ishlatiladi; analitika (PostHog) faqat mahsulotni yaxshilash uchun.